Hadisə

“Neftçi”nin sabiq futbolçusu avtomobil qəzasında ölüb

“Neftçi”nin sabiq futbolçusu Jonas Pessalli dünyasını dəyişib. 26 yaşlı hücumçu avtomobil qəzasında ölüb.

Hadisə bu gün səhər saatlarında baş verib. Braziliya vaxtı ilə 04:30-da Koritiba küçələrindən birində “Audi” markalı avtomobilini sürətlə idarə edən “sambaçı” maşını işıq dirəyinə çırpıb.

Məlum olub ki, Pessalli yoldaşları ilə birlikdə ad günündən qayıdırmış. Maraqlıdı ki, onunla eyni avtomobildə olanlardan heç kim xəsarət almayıb. Hadisə yerinə gələn xilasedici dəstələr sabiq “Neftçi”linin cəsədini maşından çıxarmaq üçün 3 saat çalışıblar.

Qeyd edək ki, ötən mövsümün gedişində “Neftçi”yə gələn Jonas Pessalli öz istəyi ilə komandadan ayrılmışdı. Onun son komandası ölkəsinin “Parana” klubu olub.

Mənbə: Apasport.az

Şərh

Şərh

To Top